[مورا مرمر]

ورجعنالكم تاني بعد الفاصل مع ضيوفنا المميزين جدا وهما

مستر رامز
وحياة بالمسيح

اهلا بيكم المنتدى كله منور بيكم ..ومنورين حلقة النهاردة ..كل سنة وحضراتكم طيبين وبخير
ومبسوطة اوي بوجودكم معايا فى حلقة انهارده

خليني افكركم بعنوان الحلقة

احنا عنوان حلقتنا النهارده هو "العذراء مريم في الهيكل"

ودا علشان حابة نتكلم اكتر سوا عن طفولة السيدة العذراء مريم

خلينا نبدأ باستاذ رامز :

ايه اكتر فضيلة او اكتر حاجة حسيت انها كانت فى طفولة السيدة العذراء مريم فى الفترة اللى كانت فيها فى الهيكل وحابب تشاركنا بيها
يعني خلينا نتأمل اكتر واسمع من حضرتك فى النقطة دي يمكن صحيح منعرفش حاجات كتير عن الفترة دي بس اكيد فى حاجة ممكن تكون حسيت انها لمستك او صفة او فضيلة حاسس انك عايز تتكلم عنها …

خلينا نوجه السؤال الثاني
للاستاذه حياة بالمسيح :
كلنا عارفين ان حياة السيدة العذراء مريم كانت مليانة صلاة وتسليم بس يمكن اكتر نقطة ظهر فيها دا واقصد بردو تحديدا فى الفترة اللى كانت فيها فى الهيكل يمكن هي فى اللحظة اللى كان خلاص يعني بعد 12 سنة كان المفروض انها تسيب خدمة الهيكل لأنها بلغت السن وازاى لما قبلت انها تتخطب من يوسف النجار .. ممكن تكلمينا اكثر عن النقطة دي يعني يمكن دي لحظة انتهت فيها الطفولة وحتى كمان حياتها فى الهيكل ازاى العذراء مريم كانت بتقبل التغيير فحياتها

منتظرة اسمع منكم ...

ودلوقتى خلينا ناخد فاصل ونرجع تاني نكمل حوارنا الشيق جدا عن ام النور الجميلة