السكينة لم تصنع مجدًا… ☠️🗡️⚔️
الشهداء هم الجبابرة ...💪🤛👌🤜
🌟🌟🌟🌟🌟🌟🌟
رفعوا السكاكين أمام الكاميرات، وتخيّلوا إن الرعب هيصنع لهم تاريخ، وإن الدم هيكتب لهم مجد. ظنّوا إن القوة في الذبح، وإن الله يحتاج عنفًا ليُعرَف. لكن في اللحظة نفسها اللى سقطت فيها السكينة، سقطت أسطورتهم للأبد.
العار كل العار لكل فكر يظن أن الإيمان يُفرض، ولكل يد رفعت سلاحًا باسم السماء. أما المجد الحقيقي، فلم يكن مع القتلة، بل مع رجالٍ وقفوا عُزّل، وانتصروا وهم يُذبحون. شهداء ليبيا لم يُهزموا… هم الذين كشفوا الكذبة، وتركوا للعالم حقيقة لا تموت:
القوة التى تحتاج دمًا لتعيش، قوة زائفة،
أما الإيمان الذى ينتصر بالموت، فهو الجبروت الحقيقي.
هما استخدموا السكينة علشان يقولوا: إحنا الأقوى.
استخدموا الكاميرا علشان يصنعوا أسطورة.
استخدموا الدم للارهاب
وأي فكرة لا تقنع إلا بالذبح…
تبقى فكرة ميتة من قبل ما توصل للناس.
الخزي والعار مش بس على اللى مسك السكينة،
الخزي على كل عقل صدّق إن الله محتاج عنف،
وعلى كل فكر متخيل إن القتل عبادة،
وعلى كل واحد فاكر إن الرعب طريق للسماء.
شهداء ليبيا ما كانوش بيقاوموا بالسلاح،
بس كانوا بيكسروا مشروع كامل من غير ولا ضربة.
وقفوا عُزّل…
فعرّوا الكذب،
وأسقطوا الأسطورة،
وكشفوا إن “القوة” اللى بتتباهى بالدم
هي أضعف ما يكون.
التاريخ دايمًا يعمل مفارقة غريبة:
القاتل يختفي،
والذبيح يخلّد.
هما حاولوا يصنعوا مجد بالقتل،
فصنعوا لأنفسهم لعنة،
وصنعوا للشهداء تاجًا لا يصدأ.
والحقيقة اللى بتوجعهم لحد النهارده:
إن الإيمان اللى يموت صاحبه بابتسامة
أقوى من ألف سكين،
وأبقى من أي دولة،
وأصدق من أي دعاية
شفاعتهم فلتكن معنا أمين 🙏🕊️ 💖