[Mary Naeem]

اتقلعت عينيه “بالحكم” ورجع نام وصحّي شايف!
ومش بس كده… عيونه اللي كانت بُنّي بقت زُرقا بمعجزة شفاعة والدة الإله سنة 1530.
في سنة 1530، كان فيه ولد فلاح عنده 14 سنة اسمه ستيفان… اتّهموه ظلم إنه سرق شوية أكياس دقيق مع شباب تانيين. اتجاب قدّام حاكم الجزيرة للمحاكمة… والحاكم حكم عليه حكم يقصم الضهر:
يا إمّا يقلعوا عينيه… يا إمّا يقطعوا إيده اليمين.
الولد كان مظلوم ويائس… بس قال:
“العمى أهون… بس بلاش إيدي.”
واتنفّذ الحكم… وبقى ستيفان من غير عيون.
ستيفان وأمه المكسورة راحوا كنيسة كاسيوب… واقفين قدّام أيقونة والدة الإله. صلّوا وسجدوا بدموع مكتومة… وطلبوا يباتوا جوّه الكنيسة. الراهب قالهم: “اتفضلوا… ناموا هنا.”
وجت نص الليل…
ستيفان قام مفزوع وهو بيصرخ!
حاسس بإيدين ضغطين بقوة على عينيه… كأن حد بيلمّسه… حد بيرجّع له الحياة. صحّى أمه وقالها:
“ماما… أنا شايف!”
أمه قربت على نور الشمعة… وبصّت كويس…
ولقت المعجزة قدّامها: رجع له عيون فعلًا!
والأعجب… العيون اللي كانت بُنّي بقت زُرقا!
خوف مقدّس وفرح لا يتوصف… ودموع شكر من القلب:
“يا والدة الإله… شفاعتك ما بتتأخرش.”
لما الحاكم سمع… راح بنفسه لكاسيوب مع خدمه. كان شايف العقاب بعينه… ومع ذلك اتأكد لما شاف آثار الأداة الحديد على وش ستيفان… وشهد الخدم إن عيونه كانت بني قبل كده فعلًا.
ومن وقتها… الحاكم رجع يكرّم والدة الإله، وأصلح فناء الكنيسة وزيّن مكان الأيقونة.
لو أنت مظلوم… أو موجوع… أو حاسس إن حاجة اتقلعت منك ومفيش رجوع…
تعالى للصلاة.
يمكن ربنا ييجي “في نص الليل” ويعمل بداية جديدة… من حيث ما تتوقعش 🤍
(ملاحظة مهمة: الأيقونة الأصلية اللي حصلت بشفاعتها معجزة سنة 1530🙏&#129293
يا والدة الإله الفائقة القداسة، خلّصينا! آمين.