[walaa farouk]

يوميات يونان النبي 📖 | رحلة الأربعاء
ثورة التوبة..
والفرصة الثانية من قلب نينوى 🏛️🙌

​بعد ما يونان خرج من جوف الحوت،
مكنتش دي مجرد نجاة،
لكنها كانت "بداية جديدة" وإرسالية تانية من ربنا اللي مبيزهقش مننا!.

​👣 الخطوات الأولى.. نحو نينوى العظيمة!
ربنا مغيرش أمره ليونان، ورجع قاله تاني:
"قم اذهب إلى نينوى".

المرة دي يونان مأخدش سفينة لترشيش،
لكنه قام وذهب بحسب قول الرب. 👇🏻
«فَقَامَ يُونَانُ وَذَهَبَ إِلَى نِينَوَى بِحَسَبِ قَوْلِ الرَّبِّ.»
(يونان 3: 3)

​يونان دخل المدينة اللي كانت محتاجة 3 أيام عشان تتمشي فيها،
وبدأ ينادي برسالة قوية، واضحة، ومرعبة: 👇🏻
«بَعْدَ أَرْبَعِينَ يَوْمًا تَنْقَلِبُ نِينَوَى.»
(يونان 3: 4)

​📢 المفاجأة بقي اللي هزت السماء!
تفتكر أهل نينوى الأشرار عملوا إيه؟
سخروا منه؟ طردوه؟

اللي حصل كان "زلزال روحي" حقيقي: 👇🏻
«فَآمَنَ أَهْلُ نِينَوَى بِاللَّهِ وَنَادَوْا بِصَوْمٍ وَلَبِسُوا مُسُوحًا مِنْ كَبِيرِهِمْ إِلَى صَغِيرِهِمْ.»
(يونان 3: 5)

​التوبة موقفتش عند الشعب بس،
دي وصلت لكرسي العرش!
الملك خلع تاجه، نزل من على كرسيه، ولبس مسوح وقعد في التراب.
​أمر ملكي غريب جداً: 👇🏻
«لاَ تَذُقِ النَّاسُ وَلاَ الْبَهَائِمُ... شَيْئًا. لاَ تَرْعَ وَلاَ تَشْرَبْ مَاءً،
وَلْيُنَادُوا إِلَى اللهِ بِشِدَّةٍ، وَيَرْجِعُوا كُلُّ وَاحِدٍ عَنْ طَرِيقِهِ الرَّدِيئَةِ.»
(يونان 3: 7-8)

​الصوم مكنش مجرد انقطاع عن الأكل،
كان "صراخ بشدة" وتغيير حقيقي للسلوك والظلم اللي كان في إيديهم.

​وهنا قلب ربنا الحنون لا يقاوم الدموع!
أول ما ربنا شاف إن التوبة دي "فعل" مش مجرد "كلام"
صدر قرار العفو الإلهي فوراً: 👇🏻
«فَلَمَّا رَأَى اللهُ أَعْمَالَهُمْ أَنَّهُمْ رَجَعُوا عَنْ طَرِيقِهِمِ الرَّدِيئَةِ،
نَدِمَ اللهُ عَلَى الشَّرِّ الَّذِي تَكَلَّمَ أَنْ يَصْنَعَهُ بِهِمْ، فَلَمْ يَصْنَعْهُ.»
(يونان 3: 10)

​💡 طيب نتعلم إيه من حكاية "النهاردة"؟
​1️⃣ الله إله الفرصة الثانية:
لو هربت قبل كدة، أو قصرت في مأموريتك،
ربنا لسه بيقولك "قم اذهب".

فشلك في الماضي مش هو نهاية قصتك مع ربنا.
وافتكر أن التوبة أقوى من القدر:
كلمة "تنقلب نينوى" كانت حكم نهائي، لكن الدموع والصوم "قلبت" الحكم
وحولته من هلاك لخلاص.
مفيش خطية ملهاش حل عند ربنا.

​
أهل نينوى معملوش "لايك" لرسالة يونان وبس،
لكنهم "رجعوا عن طريقهم الرديئة".
التوبة هي حركة واتجاه جديد.

​فكر معايا النهاردة..
هل لسه فاكر إن خطيتك "أكبر" من رحمة ربنا؟
هل مستعد تخلع "رداء الكبرياء" زي ملك نينوى وتقول له "ارحمني"؟

صوم_يونان
رحلة_نينوى
اليوم_الثالث
توبة_نينوى