كنت دايما بقول أنا مافيش حاجه بحبها
بتكمل معايا للآخر او بتفضل مستمره معايا
حتي لو حاجه عاديه مش بس أشخاص
كان دايما ربنا بيقولي كده
( انت مافيش حاجه هاتكمل للآخر مافيش حاجه بتاعتك )
ورغم كده كنت أتعشم ان اي حاجه بحبها تدوم معايا
وبردو في الاخر ماتدومش
كنت اسأل ربنا ليه؟
لو حبيت مثلا صوره معينه الاقيها راحت
حبيت مثلا لبس معين الاقيه ضاع
حاجات من دي كتير بقي
وارجع أتعشم واقول لا ده مكمل معايا للاخر
وبردو تفضل طريقه ربنا ان مافيش حاجه احبها او ارتاح فيها تكمل
حتي الأماكن مش بتدوم مهما عشت فيها
ويفضل الدرس الوحيد المؤلم في الحياه
( ان انت مافيش حاجه بتاعتك ولا في حاجه تقول هنا راحتك)
علشان تفضل عينك مرفوعه بدموع انسان طبيعي
بيقول من قلب سماوي ربنا بارك طبيعته كلمه واحده
( انت اللي باقي يا يسوع وسط كل حاجه مش باقيه معايا
انت اللي مكمل يا يسوع في وسط كل حاجه مش مكمله معايا
انت اللي موجود يا يسوع في وسط كل حاجه ضاعت مني)
انت اللي باقي يا يسوع