المرة دي
مش جاي أطلب منك يا رب تديني نعمة في عينين اللي حواليا..
المرة دي
جاي أطلب نعمة في عين نفسي
لأني تعبت، وأحبطت، وفقدت شغفي،
وشكّيت في نفسي
وبقت نظرتي لكل فعل بعمله نظرة مليانة خوف وشك.
المرة دي يا رب
اديني نعمة أقدر أكمل أي طريق إنت حتطني في أوله،
وأشيل أي مسؤولية انت ائتمنتّي عليها.
خلّيني أعرف أقدّر كل نعمة، وكل وزنة إنت ادتهالي.
أرجوك يا رب
ما تفقدنيش رجائي، وساعدني أرجع أكون نفسي
على صورتك ومثالك،
لأنك معين الكل
ولأن أعين الكل تترجاك 🥺🤲