حكايتنا النهاردة عن بطل اسمه
برزلاي_الجلعادي
تعالوا نعرف إزاي الراجل "العجوز" ده كان
"سند في الغربة" وهو اللي علمنا إن الكرم مش بس فلوس،
لكن "طبطبة" على المحتاج.
كلنا فاكرين لما داود الملك كان هربان في البرية،
وكان معاه ناس كتير، وكانوا "جوعانين وتعبانين وعطشانين"
وفي قمة اليأس ده، والكل خايف يساعد داود
عشان ميتأذيش من أبشالوم،
ظهر الراجل الجميل دا برزلاي الجلعادي
برزلاي كان راجل عنده 80 سنة،
يعني في سن محتاج فيه هو اللي يتخدم،
لكنه لما عرف بمصيبة داود،
مأنتخش في بيته،
ده فتح مخازنه ،
وقدم كل حاجة لجيش داود:👇🏻
"قَدَّمُوا فَرْشاً وَطَاسَاتٍ وَآنِيَةَ فَخَّارٍ وَقَمْحاً
وَشَعِيراً وَدَقِيقاً وَفَرِيكاً وَفُولاً وَعَدَساً وَحِمِّصاً
وَعَسَلاً وَسَمْناً وَغَنَماً وَجُبْنَ بَقَرٍ لِدَاوُدَ وَلِلشَّعْبِ الَّذِي مَعَهُ لِيَأْكُلُوا"
(صموئيل الثاني 17: 28)
تخيلوا "برزلاي" ده، اللي كان ممكن ينام في أمان،
كان هو
"القلب الحنين"
اللي حس بتعب الناس وشال عنهم هم الجوع
والعطش في عز الشمس والهرب.
برزلاي ما كانش مجرد راجل غني،
ده كان "عنده شرف"
ولما داود انتصر وحب يكافئه وياخده يعيش في القصر،
برزلاي اعتذر بمنتهى العظمة وقال للملك:👇🏻
"دَعْ عَبْدَكَ يَرْجِعُ فَأَمُوتَ فِي مَدِينَتِي عِنْدَ قَبْرِ أَبِي وَأُمِّي"
(صموئيل الثاني 19: 37)
الراجل ده كان الجسر اللي داود عدا عليه من الهزيمة للنصر،
خدم من غير ما يستنى مقابل، وأثبت إن الوفاء ملوش عمر.
طيب نتعلم إيه من "برزلاي الجلعادي" 🤔
1/ خليك "إيد بتبني"
لما تلاقي حد واقع أو تعبان، متسألش "إيه اللي وقعه؟"،
اسأل "أنا أقدر أساعده بإيه؟"
زي ما برزلاي قدم الأكل والفرش لداود من غير أسئلة.
2/ العطاء "ملهوش سن"
متتحججش بظروفك أو سنك
، برزلاي وهو عنده 80 سنة عمل اللي الشباب معملوهوش،
اتعلم إنك دايماً تقدر تخدم وتكون مؤثر مهما كان عمرك.
3/ الشبع "من جوه"
برزلاي رفض مكافأة الملك لأنه كان شبعان بحب ربنا وبأرضه،
اتعلم إنك تخدم عشان خاطر ربنا بس، مش عشان "شو" أو عشان تاخد منصب.
أبطال_في_الظل