[souad jaalouk]

زوادة اليوم :
الابتسامة بتعدي

ابتسم لذاتك: ضلّ ابتسم لحدّ ما جأرتك وعبستك وقساوتك يختفو.
ابتسم لذاتك لحدّ ما بسمتك تدفّي قلبك وتفرح إنت بوجّك اللي عم يضحك. وساعتها، احمل بسمتك وطلّ فيها ع الآخرين.
وابتسم: ابتسم للوجوه المتروكة، للوجوه الخجولة، الحزينة، المريضة، الصبيّة والنديّة، الجليلة والمجعّدة. ابتسم للوجوه بعيلتك وبين أصحابك. وعدّ إذا بتقدر، البسمات اللي رح تخلقهن بسمتك. وشوف كيف رح بتكون هالحركة الزغيرة عم تحمل الحياة والرجا، وعم بتكون نقطة إنطلاق لتوبة خاطئ، وعم تربح أصدقاء مخلصين.
وابتسم لألله: بقبول كل إرادتو بحياتك. وخود ع عاتقك تكون رسول الفرح وبسمتك أداة بتساهم بزرع السلام بكل القلوب.

الزوّادة بتقلّي وبتقلّك:

بإيام انعدمت فيها البسمة، وصارت الوجوه اللي حوالينا أغلبها حاملة الهمّ والحزن، فكّرت شي مرّه إنّو البسمة بتحمل رسالة؟
والله معك.