خدى وقتك كويس جدا لان ماحدش هايتعب غيرك
الصيف اللى فات كنت محتاج تكيف ، المهم لفيت كتير قوى عشان الاقى تكيف كويس وسعره فى الحنين مالقتش غير محل واحد بس ، المهم لاقيت تكيف عنده مواصفاته ممتازه جدا وسعره روعه ، لكنه قالى خلانى امسك فيه اكتر ، قالى ده اخر واحد وفيه واحد مكلمنى عليه فا لو عاوزه خده دلوقتى لانه مش هايستنى .. طبعاً انا من غير تفكير قولتله هاخده طبعاً ..
ومن ساعتها وكان صيف زى الزفت عليا ، التكيف كل شويه يعطل ، ومليون مره اكلم المحل مره يرد وعشره لا لغاية ما زهقت ..
الخلاصه هنا
ماتسمحش لنفسك تقف على حافة الجبل وحد يزقك 😉..
اللى يحطك تحت ضغط نفسى وعصبى ويقولك خد قرار دلوقتى اه او ولا ، اوعى تتسرع
خد وقتك
القرارات اللى بتتاخد فى ثانيه بتعانى منها سنين
خد وقتك على اقل من مهلك وكلامى هنا للبنات اللى هاتجوز
اياكى تتسرعى وتبصى تحت رجليكى واللى بيت يحطك تحت ضغط ، خدى وقتك كويس جدا لان ماحدش هايتعب غيرك