يابابا ماتخافشى عليا انا هاخف انا واثق فى ربنا ❤
بابا انا هاخف انا متاكد ..
ماثيو طفل عنده ٧ سنين يوم ٢٠ يناير اللى فات جاله صداع شديد وزغلله فى العين مامته افتكرت ان نظره ضعيف ..
لكن لما راحت للدكتور اول حاجه قالها محتاجين نعمل اشعه ورسم مخ عشان نتأكد ان الدنيا سليمه ..
يوم ٣٠ يناير ماثيو عمل الاشعه والدكتور قال فى ورم فى المخ وانه فى مرحله متأخره ..
كان الخبر صدمه على البيت كله ..
طفل وحيد جه بعد انتظار اكتر من ١٥ سنه ، مامته لما سمعت الخبر دخلت فى غيبوبه ١٥ يوم من الصدمه ..
ابوه بيشتغل محاسب على قده فى شركة مقاولات ، بس كان قريب جدا من ربنا ..
كان ماثيو بيحكى ان ابوه كل يوم كان يمسك ايديه فى الصلاه ويرفعها ويصرخ ويقول " يااارب انا واثق انه تقدر تغير الواقع واثق انك تقدر تشفى ماثيو ماهو مستحيل بعد انتظار ١٥ سنه ترزقنى به وبعد كدا تاخده ، مستحيل بعد ما سلمت امرى ورضيت بحكمك انى مش هاخلف وفجأه تتحنن عليا وترزقنى بماثيو اكيد مستحيل تاخده منه انا واثق انك سامعنى وهاتتحنن عليا وهاترحمه من عذاب الم المرض ده "
ماثيو كان بيقول فى كل مره كان بابا يمسك ايدى ويصلى كنت بحس ان فى حد حاطط ايده على راسى ..
بعد ما مشينا فى رحلة العلاج وبابا كان بيشوفنى بعيط بسبب العلاج كان بيقعد جنبى ويمسك ايدى ويبوسها ويقولى هاتخف انا واثق فى ربنا . ..
يوم ٢٥ إبريل الساعه ١٢ بالليل دخلت لاقيت بابا قاعد على مكتبه وحاطط ايديه على وشه وعلى المكتب ورقه غرقانه دموع ومكتوب عليها يارب اشفى ماثيو ..
جيت جنبه ومسكت ايديه وبوستها زى ما بيعمل معايا وقولتله "يابابا ماتخافشى عليا انا هاخف انا واثق فى ربنا " ❤
يوم ٣٠ يونيو بدات احس ان الصداع بيختفى والزغلله راحت ، فالدكتور طلب انى اعمل اشعه على المخ بس حصلت حاجه غريبه ، كل مره كانت الاشعه تطلع كأنها ضارب فيها نور ، عملناها ٣ مرات وكل مره الصور يطلع ضارب فيها نور ومافيش اى حاجه باينه ..
الدكتور قرر انى اوقف العلاج ..
وبعد اسبوع طلب اعمل اشعه تانى وهنا كانت المفاجأه .. الأشعه طلعت سليمه تماما 🥰🥰
وعشان نتاكد عملناها فى كذا مكان وكل مكان كانت بتطلع بنفس النتايج سليمه تماما ...
الدكتور قعد وقال بصراحه دى حاجه عمرها ما عدت عليا ..
بابا قاله لان ""وَكُلُّ مَا تَطْلُبُونَهُ فِي الصَّلاَةِ مُؤْمِنِينَ تَنَالُونَهُ»." (مت 21: 22).