الطريق شكله مش مطمّن.
خشبة قديمة، مسافة ضيقة،
ووادي مفتوح على الاتنين..
بس المعجزة مش في الطريق،
المعجزة في اللي ماشي قدّام.
الخروف ما قاسش قوة الخشب،
ولا سأل نفسه ولو وقعت هعمل ايه؟
هو سمع الصوت…
وعرف الشخص…
ومشي.
وهو دا الفرق ..
إنك تمشي ورا راعي شايف النهاية
حتى وإنت مش شايف غير خطوة واحدة.
الرب يسوع قال:
خِرَافِي تَسْمَعُ صَوْتِي، وَأَنَا أَعْرِفُهَا فَتَتْبَعُنِي (يو 10: 27).
طول ما الصوت واضح كمّل
حتى لو الطريق ما يطمنش
وطالما الراعي قدّام، حتى الجسور المهزوزة
تبقى طريق أمان ..