مهما طال الوقت، ومهما جه يوم حسّيت فيه إن صوتك بيرتدّ لجواك…
صدق إن ولا دمعة، ولا تنهيدة، ولا كلمة صادقة رفعتها لربنا هترجع من غير أثر.
يمكن يسمحلك تمرّ بسنين طويلة واقف في نفس المكان
… زي المفلوج اللي استناه ٣٨ سنة كاملة،
ولا كلمة اتقالت له، ولا علامة بيّنها ليه…
لحد ما افتكر الجميع إنه اتنسى، وإن صلاته مالهاش قيمة.
لكن الله لا ينسى.
الله لا يؤجل بلا قصد.
وفي اللحظة اللي يكون فيها الزمان مُكتمل،
هتسمع صوته بيخترق صمت السنين ويقولك:
“قم… احمل سريرك وامشِ”.
وهتعرف إن كل انتظار كان بيبني فيك حاجة،
وإن كل دمعة كانت بتزرع معجزة جاية.
شدّد قلبك…
لأن المفاجآت اللي جاية من ربنا
أكبر بكتير من كل اللي ضاع.