خليك_خادم_واعى
في خدام كتير فاكرين نفسهم "مكرسين"..
بس الحقيقة إنهم بس بيجروا..
يجري من خدمة لخدمة..
ومن اجتماع لمشوار..
ومن أصحابه لكورس..
لحد ما ينسى أهم حد في اليوم: الرب نفسه..
الخطر مش في الجري..
الخطر إنك تبقى منشغل بالخدمة..ومش منشغل برب الخدمة..
الخادم الواعي مش اللي عنده أجندة مليانة..
الخادم الواعي هو اللي يعرف يقف..
يقفل الباب..
يسكت..
يسند دماغه على صدر المسيح 10 دقايق بس..
ويرجع يكمل وهو ممتلئ مش مستهلك..
افتكر دايمًا:
اللي مايترواش..هيعطّش الناس..
واللي مايتقابلش مع المسيح..
مهما عمل هيفضل بيخدم باسمه هو مش باسم المسيح..