استمرار العلاقات مش سهل خالص…
ولا الصداقة اللي بتعيش سنين جات صدفة
، ولا الحب اللي بيكمّل جيل ورا جيل جَه بسهولة.
كل علاقة حقيقية عدّت على لحظات اختلاف وخناق،
خصام وعودة، تعب ومحاولات كتير…
لأن العلاقات اللي بتكمل مش اللي بتبقى كاملة،
لكن اللي بتبقى “حقيقية”.
العلاقات دي اتبنت من تغافل…
من ناس اختارت تكبّر مخها على الغلطات الصغيرة
، وتفتّح قلبها للفكرة الأكبر:
إن الشخص اللي قدامي أهم من لحظة زعل.
العلاقات دي اتبنت من تسامح…
والتسامح مش ضعف، بالعكس… قوة
لإنك بتشوف الشخص بعين الحب ، مش باللحظة اللي وجّعتك.
واتبنت من محاولات تغيير بسيطة…
محاولات إنك تكون أفضل شوية، وتسمع أكتر، وتفهم أكتر…
ومن محاولات تقبّل إن اللي قدامك مش نسخة منك
، ولا لازم يحب بنفس طريقتك ولا يعبر بنفس أسلوبك.
الحقيقة إن: مفيش حاجة حلوة بتيجي من غير تعب.
ولا في علاقة غالية بتعيش من غير مجهود.
الحلو والمهم والغالي… يستاهل نتعب عشانه،
ونقف جنبه، ونحافظ عليه.
ومفيش قصة بتمشي linear… مستقيمة كده من أولها لآخرها.
ده الطبيعي إن فيه مطبات… فوق وتحت…
بس المهم إننا نفضل نحافظ إنها تفضل طالعة أكتر ما هي نازلة،
ما نسيبهاش توقع لحد ما تتكسر.
العلاقات الحلوة مش بس نعمة…
دي مسؤولية، وهدية، و something worth fighting for.
ولو لسه عندك حد محافظ عليك… أو إنت لسه محافظ على حد…
اعرف إن عندك كنز بجد.
العلاقات الحلوة… نعمة تستاهل ان احنا نحافظ عليها ❤️