لما ربنا ناداه ... رد وقال
انا مين علشان اروح لفرعون
كلمة فيها خوف… وفيها إحساس إنه ولا حاجة
وبعدها قال: "أَنَا ثَقِيلُ الْفَمِ وَاللِّسَانِ."
يعني: يا رب حتى الكلام مش بعرف أعمله…
أنت بتكلمني غلط أنا مش الشخص الصح
لكن ربنا ما سكتش
ربنا مشي مع موسى خطوة بخطوة وبيعيد تعريفه قدام نفسه:
يا موسي إنت شايف نقصك بس أنا شايف قدرتي
إنت بتتكلم عن ضعفك وأنا بكلمك عن حضوري ..
وبعدها قال له الجملة اللي غيرت كل القصة:
"فَالآنَ اذْهَبْ وَأَنَا أَكُونُ مَعَ فَمِكَ، وَأُعَلِّمُكَ مَا تَتَكَلَّمُ بِهِ."
ربنا ما زودش إمكانيات موسى
لكن زود حضوره جواه
والمكسور اتحول لأداة خلاص لشعب كامل مش لأنه قوي
لكن لأنه مش لوحده ....