01 - 12 - 2025, 06:55 PM
|
|
|
|
..::| الإدارة العامة |::..
|
|
|
|
|
|
فستانك الأبيض مش مجرد قماشة.
. ده عهد.. حياة كاملة بتتسلميها في لحظة واحدة.
علشان كده مايتلبسش لأي حد يخبط على بابك
لمجرد إنه جه في توقيت ناس ضغطوا عليكي فيه..
ولا علشان سنك بيعدّي، ولا علشان الخوف من الكلام،
ولا علشان نفسك تفرحي يومين وتعيشي سنين تندمي.
ماتلبسيهوش ل راجل جاي يملأ فراغ..
ولا حد بتقنعي نفسك إنه “يمشي الحال”..
ولا شخص بتقوليله “يمكن يتغير”..
ولا واحد عشان انتي خايفة تفضلي لوحدِك.
الفستان الأبيض مايتلبسش غير لراجل ربنا بنفسه يحطه قدّامك..
اللي تحسي سلام معاه مش توتر..
سِتارة ستر مش سِتارة خوف..
وتلاقي روحِك بتتسند مش بتتهز..
واللي يكون شريك قبل ما يكون زوج..
وبيت قبل ما يكون لقب.
البنات كتير لبست فساتين..
بس قليل اللي لبسوا الفستان “للصح”
للشريك اللي يسوع اختاره بيده..
للنص اللي بيكمل روحك..
لحدّ عيونه تقولك “أنا أمان مش تجربة”.
الفستان ممكن يتكرر..
بس العمر لا.
اختاريه بعقلك.. بقلبك.. وبصلاتك.
اختاريه لما ربنا يقولك: “هو ده”.
|