يا ربّي الغالي،
برمي عندك كل اللي جوا قلبي…
كل تعب، وكل خوف، وكل ضغط،
وباختار أعيش النهارده مرتاح ومبسوط.
إنت الأمان اللي عمري ما بخاف وأنا معاه،
إنت اللي صاحي وقت ما أنا بنام، واللي سهره راحة ليا وامان.
نفسي دايمًا بتطلبك حتي وأنا ساكت،
قلبي بيطمن لما يفتكر إنك جنبه.
احميني من وجع الناس ومن تقلب الأيام،
خليني ما أتغرّش لو الدنيا ضحكتلي،
وما أنهارش لو يوم كسرتني.
شيّل مني الكبرياء اللي بيكسر،
وصغر النفس اللي بيضعف.
احميني من الغنى اللي ممكن يغرّيني،
ومن الفقر اللي ممكن يكسفني.
ومن الفرح اللي يخلّيني أنسى نفسي،
ومن الحزن اللي ينسيني إنك جنبي
خليني متزن في فرحي، وعاقل في حزني.
احفظ طريقي في خروجي ودخولي،
في بدايتي ونهايتي،
في كل خطوة أكون فيها في سلام،
ومن أول لحظة في حياتي لحد آخر نفس فيها…
أكون في حضنك مطمن 🙏❤️