إشفي يا رب جروح نفسي اللي محدش شايفها..
اللي بتنزف وأنا ساكت.. واللي بتوجعني حتى وأنا بضحك.
جروح من خيبات صغيرة اتراكمت.. ومن ناس كنت شايف فيهم أمان وطلعوا غياب.
إشفي الحتت اللي جوايا فقدت الإحساس..
اللي بقيت أتعامل معاها كأنها مش مني..
رجّع لروحي دفئها، ولقلبي بساطته، ولنفسي سلامها.
مافيش طبيب يقدر يوصل لعمق الوجع ده غيرك..
ولا في بلسم يقدر يطبطب عليه غير لمستك.
إلمسني زي ما لمست المجروح زمان.. وقلّي كلمة تشفيني.
إشفي يا رب جروح نفسي.. قبل ما تنام فييّ للأبد.