في آيه جميله اوي في الكتاب المقدس بتقول
" إِنِّي كُلُّ مَنْ أُحِبُّهُ أُوَبِّخُهُ وَأُؤَدِّبُهُ. فَكُنْ غَيُورًا وَتُبْ."
(رؤيا يوحنا اللاهوتى19:3)
لو ركزت في الآيه تلاقيه بيقول (من أحبه اوبخه)
ايه دا ! يعني اللي بينصحني دا او اللي بيقولي
خلي بالك اللي عملتيه دا غلط
هو كدا بيحبني! يعني هو كدا عاوزيين احسن
و مش عايز يتعالى عليا أو يتظاهر بأنه هو الاحسن أو الأشطر!...
خلي بالك كمان لو كملت باقي الايه تلاقي مكتوب فيها
(فكن غيورة و تُب)..
يعني الصح لما حد ينصحني أو يويخني اني اتقبل الكلام
و خاصتًا لو كان الكلام صحيح
أو لو كان من شخص ذات خبره و معرفه
احيانا كبريائنا و عنادنا بيمنعنا أننا نسمع التوبيخ أو نقبله
أو حتي نقبل فكره أننا غلطانين
أو إن في حد يمكن يكون اصغر مني و يعدل عليا ،
بس خليك فاكر أننا بشر و طبيعي نغلط
و وارد نتوه و نحتاج بوصله توجهنا
و خليك فاكر أن احنا موجودين علشان نساعد بعض
نبقي احسن و ان دي بتبقي محبه مش غرور أو تعالي
اصل انا لو مش بحبك ايه اللي هيخليني اعدل عليك أو اوجهك؟!
طب م الاحسن اخليك كدا تايه و ضايع و تضيع نفسك كمان
فكر فيها و اقبل التوبيخ لانه شكل من أشكال المحبه❤️
.