ليه يسوع نادى نازفة الدم يَا ابْنَةُ؟
ليه قرر الناس كلها تشوف حواره معاها وقصتها وشفائها؟
تخيل إنها عاشت ١٢ سنة وحيدة لأنها تعتبر نجسة في نظر المجتمع،
سنين طويلة سمعت كلام يوجع… ونظرات كلها رفض.
الخزي والخوف خلاها وحيدة بدون علاقات!
لكن في لحظة واحدة، يسوع بدَّل الخزي لكرامة، ورفع الراس وسط الكل.
الاسترداد مش بس ليها… الاسترداد ليك إنت كمان.
يسوع كان أول علاقة تستردها ودي كانت البداية..
يمكن في عيون شافتك قليل… وكلام هدّك من جوا.
لكن يسوع يقدر يردّ كرامتك، ويخليك واقف ورافع راسك.
هو مهتم يكون عندك علاقات صحية تكون بتعينك خلال طريقك،
الله مهتم يسترد ليك علاقاتك المسلوبة يا صديقي منها علاقتك بيه.