04 - 10 - 2025, 05:37 AM
|
|
|
|
..::| الإدارة العامة |::..
|
|
|
|
|
|
خليك_خادم_واعى
كتير من الشباب بيقيسوا قيمتهم بمؤشر بسيط جدًا:
"أنت رديت عليّ بسرعة ولا لأ؟"
الرد المتأخر في نظر الخادم ممكن يبقى عادي: مشغول
..فى إيده حاجة..هيرد كمان شوية..
لكن في نظر المخدوم الموضوع مختلف خالص:
الرد السريع = "أنا مهم عندك"
الرد البطيء = "أنا مش في أولوياتك" أو "مشاعري مش مُعتبرة"
وده مرتبط بعالمهم اللي قائم على الـ"online" والـ"instant"..
طول ما هما عايشين في سرعة الـ notifications .
.بيترجموا أي تأخير على إنه رفض أو إهمال..
الخادم هنا مش مطلوب منه يكون متاح 24/7..
لكن محتاج يكون واعي إن سرعة الرد
ليها معنى نفسي وروحي للمخدوم..
أوقات كلمة "أنا فى الشغل هكلمك لما أخلص"
أو "مشغول دلوقتي بس هكلمك بعدين" ..
بتنقذ قلبه من الإحباط وتخليه يحس إنه مش متساب..
يعني الخادم لازم يتعلم إن "الرد" مش مجرد كلمة مكتوبة..
لكنه فعل رعوي بيطبطب ويطمن ويدي إحساس بالقيمة..
|