في أرض المذلة، يوسف كان عبد، مسجون، مظلوم..😔
الأرض اللي بتكسر، بتهدّ، تخلي الواحد يدفن أحلامه..
"لأَنَّ اللهَ جَعَلَنِي مُثْمِرًا فِي أَرْضِ مَذَلَّتِي"🌱✨
الله قلب الموازين… وخلّى نفس الأرض اللي بتكسر، هي هي اللي بتُثمر.
ويمكن النهاردة إنت في “أرض مذلة” بتاعتك:
أرض الخوف… أرض الوحدة… أرض الظلم… أرض الأحلام اللي ماوصلتش.👀
يمكن كل حاجة حواليك بتقول: “دي النهاية”.
لكن في وسط كل ده، الله بيقول وعد مختلف:
مش بس هتقوم… لكن هتُثمر هنا! 💜
الثمر مش هييجي لما الظروف تبقى سهلة،
الثمر هييجي لما ربنا يدخل في أعمق مكان وجعك
ويحوّله لبداية حياة جديدة.
المذلة مش هتعطّلك،
المذلة هتبقى المنبر اللي الله يعلن منه قوته ومجده في حياتك..🙏💜