••• يا يسوع 🙏
في ناس يا رب بقت ماشية بخطوات تقيلة، تعبانة من جوه، وفاقدة شغفها بالحياة. قلبهم بقى موجوع من كتر الضغوط
، ومش لاقيين كلمة تريحهم ولا حضن يطبطب عليهم.
احنا محتاجين لمسة منك، مش أي لمسة
.. محتاجين الطبطبة اللي بترجع الروح من جديد،
اللي تحط بلسم على قلوب اتكسرت،
واللي تحيي جوانا رجاء بعد ما كان خلاص بيضيع.
يا رب، إدينا سلامك اللي مالوش بديل
، وإدينا طاقة نكمل من غير ما ننهار
. رجّع الضحكة لملامحنا، وحط فرحك جوا قلوبنا،
وخلي اللي اتكسر يتلضم من إيدك إنت بس.
الرجاء منك، والعزاء منك، والراحة منك..
وإحنا واثقين إنك مش هتسيبنا أبدًا. ♥️