فيه نوع من الهدوء مش بيرجع للسلام
، لكن أشبه بالاستسلام..
هدوء يجي بعد محاولات كتيرة باءت بالفشل،
بعد محاولات للإصلاح، وللتمسّك، وللتفسير، وللإقناع..
ولما كل ده يضيع، تلاقي نفسك سايب الحبل كله،
وتسيب الأمور تمشي من غير مقاومة.
هو مش سلام حقيقي، لكنه راحة مُزيّفة..
أشبه بتخدير لروحك عشان ما تحسش بالألم.
بس الحقيقة إن جواك لسه في صرخة مكتومة،
ولسه نفسك في فرصة تتغير بيها الحكاية.
يمكن ربنا بيسمح باللحظات دي مش عشان نهايتك..
لكن عشان تبدأ من جديد، بطريقة تانية، وبقوة تانية، ومعاه هو.