في ايه في انجيل يوحنا بتقول
( قَالَ لَهُ يَسُوعُ: «أَنَا مَعَكُمْ زَمَانًا هذِهِ مُدَّتُهُ وَلَمْ تَعْرِفْنِي يَا فِيلُبُّسُ!)
أنا عارف ان الايه دي تفسيرها لاهوتي
بس أنا وقفت عند كلمه الرب يسوع
وهو بيقول لحد عايش معاه
( انت كل ده لسه معرفتنيش؟أنا معاك كل السنين دي ولسه معرفتنيش؟
مافيش يوم عدي عليك خلاك تعرف قلبي صح وتعرفني صح؟)
اد ايه صعبه لما نبقي وسط ناس سنين ولسه مش عارفين قلبك
اد ايه صعبه ان يبقي في عشره ومواقف كتير
ولحد انهارده معرفتونيش
شعور ممكن بيبقي صعب وصادم ان كل ده ولسه معرفتنيش
ممكن اقولك علي حل مثالي في الدنيا دي
صلي الصلوه دي
( يارب ماتخلنيش اعافر ان حد يعرف قلبي حلو ولالا
حتي لو كان عاشرني خليني اعافر اعرف قلبك انت يارب
ولما اعرف قلبك كله يهون)