مفيش حاجة بتعلّمك بصدق زي الوجع،
ومفيش مدرسة بتربّي روحك زي مدرسة الغلط!
الأخطاء ساعات بتكون أحسن من ألف درس وألف وعظة،
لأنها مش بتعدّي مرور كرام،
دي بتسيب فيك علامة،
بتكسرك شوية… علشان تبنيك من جديد بس على نظيف.
الغلط مش دايمًا نهاية…
ده في أوقات بيكون بداية فَهم،
بداية نُضج، وبداية تقرّب أكتر لربنا،
لأن وقت ما بتقع… بتبص لفوق،
ووقتها بس بتشوف إيده ممدودة ليك،
مش علشان تعاقبك،
لكن علشان تقومك وتقولك: “اتعلمت؟ تعال نكمّل سوا.”
كل سقطة فيها نعمة،
وكل عثرة فيها حكمة،
وكل دمعة نزلت بعد خطأ…
هي نقطة في كتاب رحمة ربنا المفتوح دايمًا ليك.
ماتجلدش نفسك،
كفاية إنك عرفت الصح،
والقيمة الحقيقية مش في إنك ما تغلطش،
إنما في إنك تتعلّم وتكبر
، وتطلع بعد كل حاجة واقف على رجليك وأقوى.