[walaa farouk]

أيوه، المعجنة دي اللي محدش شايفها…
بس ربنا شايف كويس قد إيه كل فكرة بتخبط في التانية،
وكل سؤال مالوش إجابة،
وكل صوت جواك بيزيد الزحمة أكتر!
بس على قد المعجنة، على قد الرحمة.
على قد الصخب، على قد الهدوء اللي هييجي من فوق.
لأن ربنا مش بيتفاجئ بتفكيرك،
ولا بيزهق من تكرار أسئلتك،
ولا بيتهرب من اللي شاغل دماغك.
هو اللي يقدر يلمّ اللي اتبعتر،
ويفكك العقدة من جوا دماغك،
ويفهمك لما إنت نفسك مش فاهم نفسك.
قوله بس: “عينّي، يا رب، على المعجنة اللي في دماغي”
وصدقني… مش هيسيبك تتوه جواها.