[walaa farouk]

يارب، إنت شايف كل اللي مش قادر أقوله،
شايف الأحلام اللي قلبي مخبيها،
والخطوات اللي واقفة مستنية منك علامة،
شايف الأمنيات اللي بتتنفس جوايا،
والرغبة الصامتة في نسيان كل حاجة كسرتني.
يا رب، مش بطلب معجزة…
بطلب لمستك، وسندتك، ونظرة منك تطمّن قلبي.
اديني راحة، وهدوء، ونعمة أنسى اللي وجعني
واديني شجاعة أبتدي من جديد، وأمشي الطريق وإيدي في إيدك.
أنا متكل عليك… مش علشان أنا قدّها،
بس علشان إنت إله كبير.. شايف، وسامع، وقادر!