يوم أمس, 07:52 AM
|
|
|
|
..::| الإدارة العامة |::..
|
|
|
|
|
|
عزيزى_الله
أنا ساعات بحس إني زي العيل اللي لسه بيتعلم يمشي..
بيتكعبل ويقع كل شوية..
بوعدك دايمًا إني هكون أقوى..
إني هبطل غلطات معينة..
إني هلتزم..بس الحقيقة إني مش بعرف أوفي بكل ده..
الموضوع بيخليني ألوم نفسي كتير..
وأفتكر إنك يمكن تكون خلاص مليت مني..
لكن اللي بيصعب عليّ إني كل مرة أرجع ألاقيك مستنيني..
مش بوش غاضب لكن بإيد مفتوحة..
أنت الوحيد اللي مش بيزهق من المحاولات الفاشلة بتاعتي..
يمكن أنا بعد كل سقطة بشوف نفسي أضعف..
لكن أنت بتشوفني ابنك اللي بيحاول..
علّمني أفتكر دايمًا إن قيمتي مش في سقطاتى..
لكن في حبك اللي ما بيتغيرش..
|