[walaa farouk]

تشدد… تشجع…
حتى لو رجلك بترتعش، حتى لو قلبك مليان أسئلة…
لأنك مش لوحدك، ومش داخل أي معركة بإيدك الفاضية،
اللي ماشي معاك هو الرب إلهك — سندك، قوتك، وأمانك.

يمكن الطريق طويل، ويمكن الخوف بيعميك عن كل اللي وراك،
بس وعده صادق: “أنا معك حيثما تذهب”…
مش ساعة ما ترتاح، ولا لما تبقى جاهز،
ده معاك في الوجع، في القلق، في الغلط، في الضياع…
ماشي قدّامك، وسندك من ورا، وحاميك من كل اتجاه.

يبقى ليه تخاف؟
قوم، شد حيلك… وكمّل.
لأن اللي وعد، عمره ما يتراجع.