[Mary Naeem]

أَنَا اللي عَارِفْ أَعْمَالَكْ
دَارِي بْحَالَكْ
فِيه كِلْمَه عَايِزْ اقُولْهَا لَكْ
ارْجَعْ لِي وتُوبْ

هَارَيَّحَكْ مِنْ أَحْمَالَكْ
وهَاشِيلْهَا لَكْ
مَعَايَا صَخْرِةْ أَحْزَانَكْ
تِخْلَصْ وتدُوبْ

مَعَ الْخَطَايَا بِتْبَيِّتْ
لِيْه مِتْقَيِّدْ
بِالإسْم حَيّ لَكِنْ مَيِّتْ
مَلْيَانْ بذنُوبْ

سَكِّتْ شُرُورَكْ وِاسْمَعْنِي
قُوم وِارْجَعْ لِي
سَلِّمْنِي قَلْبَكْ وِاتْبَعْنِي
وِكفَايَه هُرُوبْ

رَاحْتَكْ هِنَا بِينْ أَحْضَانِي
عُودْ مِنْ تَانِي
عَشَانْ سَايِبْنِي بِتْعَانِي
عَايِشْ مَرْعُوبْ

سَامِعْنِي بَانْدَهْ وِسَايِبْنِي
ارْجَعْ يَا ابْنِي
صَدَّقْنِي بُعْدَكْ يِتْعِبْنِي
يَا غَالِي ومَحْبُوبْ

مَعَايَا تِقْدَرْ تِتْعَلِّمْ
لَوْ تِتْأَلِّمْ
فِي عِزّ أَلَمَكْ هَا ترَنِّمْ
لِيه تعِيشْ مَغْلُوبْ

لكُلّ آهَه ودَمْعَايَه
تِلْقَى نهَايَه
وتِنْتِصِر وِانْتَ معَايَا
عَلَى أَيّ حُرُوبْ