[مريم ميرو]

المشاركة الأصلية كتبت بواسطة مورا مرمر

✨ ورجعنالكم تاني في فقرتنا التانية ✨

معانا النهاردة ضيفة غير متوقعة، واسمها على اسم العدرا… وهي مريم ميرو 💕
مريم ميرو هي أختي في الحقيقة، فبحب جدًا أرحب بيكي:
أهلاً بيكي حبيبتي، بنرحب بيكي ومنورانا جدًا 🌸
وكل سنة وانتي طيبة بمناسبة صوم الست العذراء.
شفاعتها وصلواتها تفرحك وتباركك دايمًا 🙏

أنا كنت من فترة بفكر إن الحلقة الأخيرة تكون عن الاحتمال، وحسيت إنك أكتر حد مناسب يتكلم عن الموضوع ده:

لأنك مريتي بفترات صعبة كتير،

ولأني أنا كمان الفترة دي محتاجة أسمع عن الاحتمال.

وبما إن دي آخر حلقة، حابة إنها تكون حقيقية جدًا ❤

📖 الجزء الأول: آية عن احتمال أم النور

هنشارك آية من الكتاب المقدس، ونحب نسمع تعليقك عليها.
وكمان لو عندك آية تانية أو قول آبائي تحبي تشاركيه معنا عن احتمال في حياة أم النور هنكون مبسوطين جدًا.

"وأنت أيضًا يجوز في نفسك سيف، لتُعلن أفكار من قلوب كثيرة."

🌹 الجزء الثاني: مواقف من حياة السيدة العذراء

حابين نسمع منكِ بعض المواقف من الإنجيل اللي ظهر فيها احتمال العذراء.
وكمان: إزاي ممكن نتعلم من فضيلة الاحتمال ونطبّق ده في حياتنا اليومية؟

🌸 الجزء الثالث: مشاركة شخصية

تحبي تشاركينا بأكتر موقف من حياتك الشخصية حسيتي إن العدرا ساعدتك فيه تتحملي أكتر؟

🎲 الجزء الرابع: لعبة وسؤال

اللعبة – "صح ولا غلط":
هنقول 3 جُمل عن الاحتمال، وانتي تقولي إذا "صح" أو "غلط":

العدرا مريم كانت بتحتمل بصمت من غير ما تعترض.

الاحتمال معناه إني أسيب حقي يضيع.

الاحتمال فضيلة بتخليني أشبه بالمسيح.

السؤال:
إيه أكتر حاجة صغيرة في حياتنا اليومية ممكن نتمرن بيها على الاحتمال؟


💬 الجزء الخامس: كلمة أخيرة

في الختام، تحبي تقولي إيه لكل الزوار والمستمعين عن موضوع "الاحتمال"؟
حاجة تكوني حابة تقوليها من قلبك ❤

مبسوطين جدًا بوجودك معانا في الحلقة الأخيرة.
ونتمنى إن مشاركتك الحلوة تفرّح قلوب كل المشاهدين.

اهلا بيكي يا حبيبتي ، تسلمي بجد علي ترحيبك

الايه جميلة جدا بجد
السيدة العذراء احتملت اليتم واحتملت التعب، واحتملت الألم، والأكثر أنها احتملت المجد.

مواقف تحمل العذراء
ممكن نذكر احتمال التعب، السيدة العذراء احتملت تعب الفقر واحتملت تعب الرحلة لمصر ذهاباً وإياباً واحتملت التعب في زيارة أليصابات، في طرق الجبال إلى أن وصلت لها.


مواقف ف حياتي كتير اوي بصراحه
يمكن اكتر مواقف اما تعبت ف فتره كده ودائما اي موقف بتضايق فيه وبحس بقهره او زعل بتساعدني دائما ف التحمل
ويمكن اقرب موقف لما حسيت اني هيرجع ليا التعب تاني ف حسيت اني عندي سلام وتحمل
ومواقف كتير اوي بجد غير كده

اللعبه

العدرا مريم كانت بتحتمل بصمت من غير ما تعترض. (صح)

الاحتمال معناه إني أسيب حقي يضيع. (خطأ)

الاحتمال فضيلة بتخليني أشبه بالمسيح. (صح)


حاجه صغيره تخليني اتمرن علي الاحتمال ان اتعود ان اشكر ربنا علي وضع او حال سواء حلو او وحش لان معرفش حكمة ربنا فين ووارد اللي مضايقني دلوقتي اكتشف بعدين انه افضل اختيار او حل

اخر حاجه حابه اقولها ف الختام
ان الاحتمال دلوقتي ربنا بيعوضه بعدين عوض كبيييير اوي ، ربنا عوضني عن كل حاجه وحشه ف حياتي وكرمني كرم كبير اوي عمري ما كنت اتخيله بعد ما اتحملت فتره صعبه


شكرا ليكي علي الاستضافه الجميله يا روحي وتعيشي لكل سنه