المثل بيقول: "اللي مالوش كبير… يشتري له كبير".
يعني إيه؟!
يعني مافيش إنسان يقدر يعيش صح من غير مرجع،
من غير صوت حكيم يرشده، أو "كبير" يوجهه!!
اللي يفتكر إنه عارف كل حاجة… بيكون أول واحد يقع👇
الكتاب المقدس كان واضح جدًا في النقطة دي👌
موسى نفسه كان ليه "يثرون" حماه،
اللي نصحه يقسّم الخدمة على قضاة..
وتيموثاوس كان ليه بولس، اللي وجّهه وشجّعه..
دا حتى التلاميذ نفسهم، رغم إنهم عاشوا مع الرب يسوع
، كانوا بيرجعوا له في كل كبيرة وصغيرة.
الحكمة مش في إنك تمشي لوحدك…
لكن إنك تسمع، تتعلّم، وتخضع للإرشاد✨️
لأن الكتاب بيقول:
"حَيْثُ لَيْسَ تَدْبِيرٌ يَسْقُطُ الشَّعْبُ،
أَمَّا الْخَلاَصُ فَبِكَثْرَةِ الْمُشِيرِينَ." (أمثال ١١: ١٤)
وجود "الكبير" مش ضعف… ده قمة القوة💜