💔 10 خرافات عن اضطراب ما بعد الصدمة ptsd 💔
1️⃣ “خليك جامد وماتستلمش للوجع”
✅ القوة مش معناها غياب الألم…
حتى أقوى الناس ممكن يكون جواهم كسر كبير مش باين.
2️⃣ “المشاعر الصعبة هتختفي لو تجاهلتها”
✅ المشاعر اللي بنخبيها أو بنطنشها بتفضل تكبر
وتضغط علينا من جوه، وبتطلع في وقت غير متوقع.
3️⃣ “الخوف والقلق ضعف”
✅ بعد الصدمة، الإحساس بالخوف أو التوتر
رد فعل طبيعي من الجسم والعقل، بيحاول يحميك من أي أذى تاني.
4️⃣ “الغضب معناه إنك مش مقدر اللي حواليك”
✅ الغضب بعد الصدمة أحيانًا بيكون محاولة لفهم
أو استعادة السيطرة، مش دليل إنك سيئ.
5️⃣ “الدموع ضعف”
✅ البكاء مش ضعف…
هو وسيلة طبيعية يفرغ بيها القلب جزء من الحمل اللي جواه.
6️⃣ “الضحك معناه إنك بقيت كويس”
✅ أحيانًا بنضحك علشان نخبّي اللي جوانا،
لكن ده مش معناه إن الجرح اتقفل.
7️⃣ “النوم الكتير كسل”
✅ بعد الصدمات، في ناس بتنام كتير هروبًا
من الألم أو عشان تتجنب الذكريات.
8️⃣ “الكوابيس معناها إنك مجنون”
✅ الكوابيس جزء من محاولة العقل إنه يعالج
ويعيد ترتيب التجربة اللي حصلت.
9️⃣ “الحزن بعد سنين معناه إنك متمسك بالماضي”
✅ أحيانًا الجرح بيحتاج وقت طويل عشان يلتئم،
وده مش معناه إنك عايش في الماضي.
🔟 “الألم النفسي مش حقيقي”
✅ الألم النفسي حقيقي زي الألم الجسدي بالضبط،
ويمكن أقوى لأنه مش دايمًا بيتشاف من بره.