ورجعنالكم تاني في فقرتنا التانية
ومعانا ضيفتنا المميزة جدًا،الأستاذة ولاء فاروق!
أهلاً بيكي حبيبتي، بنرحب بيكي ومنورانا جدًا.
وكل سنة وحضرتك طيبة بمناسبة صوم الست العذراء "أم النور".
شفاعتها وصلواتها تفرحك وتبارك كل حياتك
عنوان حلقة النهاردة:
"الصمت والتأمل في حياة العذراء مريم"
الجزء الأول: أقوال الآباء عن الصمت والتأمل
أنا هشاركك قول جميل، ونحب نسمع تعليقك عليه وكمان لو عندك قول تاني تشاركيه معانا:
"أم الله اتحدت عقليًا بالله بدوام الصلاة والتأمل وفتحت طريقًا نحو السماء جديدًا. سمت به فوق المبادئ والظنون، الذي هو الصمت العقلي والصمت القلبي، وأما مريم فكانت تحفظ جميع هذا الكلام متفكرة به في قلبها."
الجزء الثاني: مواقف من حياة السيدة العذراء
تقدري تشاركي معنا مواقف معينة من الإنجيل ظهر فيها صمت العذراء وحياة التأمل؟
وكمان، إزاي ممكن نتعلم منها ونطبّق ده في حياتنا اليومية؟
الجزء الثالث: سؤال
هل تقدري تفتكري أي اية من الكتاب المقدس عن حياة الصمت والتأمل للقديسة مريم مع ذكر الشاهد؟
الجزء الرابع: لعبة بسيطة
اسم اللعبة: "اكمل الجملة بتأمل"
بنقول بداية جملة مرتبطة بالصمت والتأمل أو العذراء مريم، والمطلوب منك تكمليها من وجهة نظرك
أفضل طريقة للتأمل هي….......
يعني هتقولي ايه افضل طريقة بالنسبالك انتي فى التأمل
الجزء الخامس: كلمة أخيرة
في الختام، تحبي تقولي إيه لكل الزوار والمستمعين عن موضوع "الصمت والتأمل"؟
ممكن تقدمي رسالة من قلبك نختم بيها اللقاء
هنكون ممتنين جدا بمشاركتك يااستاذة ولاء