[walaa farouk]

- أنا ببقى مبسوط بس مش بعرف أفرح
= هو في فرق؟
– أيوة فرق كبير

الانبساط لحظة بتزورك وتعدّي..
إنما الفرح عبارة عن بيت مبنى جواك..
المبسوط ممكن يتقلب حاله في ثانية لما الظرف يتغير..
لكن الفرحان عنده "جذور" متثبته فى روحه..

الفرح الحقيقي مش جاي من برّه..
ده جاي من قناعتك الداخلية
إنك مش محتاج الدنيا تبقى 100% عشان تعيشها..
ناس كتير مش بيعرفوا يفرحوا..مش لأن حياتهم وحشة..
لكن لأنهم بيرهنوا فرحتهم على حاجة لسه ما حصلتش
أو بيخافوا الحلو يخلص..

الفرح محتاج تدريب:
درب نفسك تشوف النعمة الصغيرة قبل الكبيرة..
درب عقلك إنه يقف لما يسرح في بكرة بدل دلوقتي..
درب نفسك إن الكمال وهم ومش شرط كل حاجة
تبقى مثالية عشان تعيش اللحظة..

فرحك مش رفاهية ده وقودك عشان تكمل..
وكل مرة بتختار تحافظ عليه
أنت بتعلّم قلبك إنه يثبت حتى وسط النقص..