[walaa farouk]

أكتر حاجة بتعجبني في العدرا هي تُقلها.. هدوءها ❤️
(مع أن حياتها مكانتش هادية خالص اسمع مني)..
ردود افعالها في مواقف كان الطبيعي تفقد اعصابها أو تنهار
يعني مثلاً ملاك ظهرلها وشيخ يقولها "
ابنك هايموت قدام عينيكي وهايجوز في نفسك سيف"،
ماعملتش مناحة.. ببساطة قبلت الخبر وبكل طاعة تقبلت
وقالتله "هوذا أنا امة الرب".. اللي يشوفه ربنا يمشي عليا. 🙏

ولأن دور العدرا كان صعب ومش اي حد يستحمله،
الله اختار حد بالشخصية التقيلة الهادية دي،
حد عارف أن دوره هو الطاعة وقبول المشيئة
حتى لو على حساب نفسها..
بس دا في الآخر "خلاص لكثيرين".🥰🥰

والمفروض حد دوره محوري كدا
يبقى له كلام وعظات وتعاليم كتير.. بس لأ خالص.
. الغريب انها فضلت ساكتة طول عمرها،
ماوصلناش منها غير كلمات قليلة خالص
.. الست العدرا مكانتش بتـbrand لنفسها كل شوية.
. مكانتش عايزة تبان من الاساس،
هي مركزة على هدفها، تتميم قصد الله في حياتها بس. 👌

العدرا وجودها في الحياة
دي كان لطيف بس مؤثر للغاية..🥰🥰

حقيقي ينطبق عليها مصطلح "السهل المُمتنع"،
فيها كل الفضايل والقيم، كنز للي يركز فيه،
بس يتوه عنها اللي بيبص للمناظر والكلام الكتير..👌

ياعدرا في صيامك 🙏
طلبي تديني من هدوءك وتُقلك ولو قليل
طلبي اتعلم انه مهما كانت الشيلة تقيلة عليا،
اقبل واخضع، واقول أنا عبد للرب
، يتمم هو مشيئته في حياتي. ❤️🙏

كل سنة وانتي طيبة، وهادية، ودرس للحياة من غير ولا كلمة.. 🥰❤️