12 - 08 - 2025, 10:43 PM
|
|
|
|
..::| الإدارة العامة |::..
|
|
|
|
|
|
يا عدرا يا أم النور، إحنا جايين نحط قلوبنا بين إيديكِ
، زي أطفال صغيرين بيجروا لحضن أمهم.
خبّري ابنك عن احتياجاتنا اللي بتكبر جوانا
ومش لاقية غيره يسدها، وعن الأبواب اللي اتقفلت في وشوشنا
، وإحنا واقفين قدامه مستنيين يفتحها.
إحكيله عن تجاربنا اللي كسرت جوانا حاجة
، وعن خيبات أملنا اللي وجعتنا أكتر من أي حاجة تانية.
قوليله عن طلباتنا اللي بنهمس بيها في الصلاة،
وعن الدموع اللي بتنزل من غير ما حد ياخد باله، إلا هو.
قوليله إن إحنا مَلناش غيره، وإن إحنا بين إيديه،
وإنكِ إنتِ بنفسك وصيّة علينا.
يا عدرا، إحنا عارفين إنكِ مش بس هتوصلّي الكلام،
إنتِ هتزوديه حنان وشفاعة ومحبة، لحد ما يوصل قلبه. ♥
|