09 - 08 - 2025, 07:19 PM
|
|
|
|
..::| الإدارة العامة |::..
|
|
|
|
|
|
عزيزى_الله
فاكر لما كنت مرعوب أبدأ؟
كنت شايف الطريق طويل وأنا صغير اوى على المهمة دى..
شايف الناس كلها بتتحرك وأنا متسمر في مكاني..
كنت بقولك:
"مش مستعد..مش جاهز..وكمان مش مؤهل"..
وكنت خايف إنك تبدأ بيا حاجة معرفش أكملها..
أو أتحرك خطوة تتكسر فيها رجلي..
بس أنت ما خدتش خوفي على إنه ضعف..
ما استعجلتش..ما ضغطتش..ما وصفتنيش إني متخاذل..
كنت بس جنبي..
سايبني أتعامل مع رعبي على مهل..
لحد ما طمنت قلبي من غير ما تحاول تقنعه..
ولما أخيرًا قمت بخطوتي الأولى..
اكتشفت إنك سبقتني هناك..
في كل خطوة كنت خايف منها..
كنت أنت مستنيني فيها..
كنت هناك في المشهد..وفي الاحتمالات..وفي التحديات..
ومن يومها..
بقيت لما حد يقولي "أنا مش مستعد"..
ببتسم وأقول في سري:
"بس ربنا مستنيك وعارف إمتى هتقوم وهيكون هناك قبلك"..
|