08 - 08 - 2025, 10:28 AM
|
|
|
|
..::| الإدارة العامة |::..
|
|
|
|
|
|
أمي العدرا
كل قلب جرب حنانك، قال:
"دي أمي."
لينا ذكريات محفورة جوة القلب،
ذكريات مش بس بتتقال...
دي بتتعاش.
يا أمي، في لحظات ضعفي... بلاقي قوتك.
في خوفي... حضنك بيطمنّي.
في ألمي... بطلع أجري عليكى.
وانتي هناك... دايمًا هناك،
بتسمعي قلبى من غير ما أتكلم،
وتطبطبي ع الوجع من غير ما أطلب.
أحلامي الصغيرة كبرت معاكي،
وخطوات خدمتي اتعلمتها من صمتك،
من تواضعك، من "نعَمك" الأولى...
اللي غيّرت وجه العالم.
كنتى، ومازلتى نبع الحنان اللي مش بيخلص،
القدوة اللي مش بتتغير،
النبض السماوي في أرض موجوعة.
وزي ما وقفتى معايا كتير،
خليكي المرّة دي كمان... جنبي.
خليكي سندي، زَيّ ما أنتى دايمًا سندى.
يا أمي العدرا...
كل سنة وانتي شفيعتنا،
وكل لحظة وانتي أمنا،
وكل دقّة قلب بتنادي:
"بحبك يا أمي."
|