[walaa farouk]

يا رب،
سنيني فاتت، وشعري شاب
، وإيدي ما بقتش تقوى زي زمان…
بس عينيّا لسه بتدور عليك، وقلبي لسه بيترجاك.
كنت شاب، وركضت، وخدمت، وفرحت…
ودلوقتي شخت، بس مازال ليا مكان في حضنك.
يمكن الناس تنسى، أو تستغنى،
لكن إنت يا رب، وعدت وقلت:
"وإلى الشيخوخة أنا هو، وإلى الشيب أنا أحتمل."
يا اللي ما بتتغيرش،
ثبّتني لما جسمي يضعف، واديني نعمة أني أكمّل بإيمان.
خلّي أيامي الباقية شهادة ليك…
مش بعدد السنين، لكن بعمق العشرة.
آمين.