[walaa farouk]

مُتعَب أنا يا رب… وكأن في قلبي حمل مش قادر أشيله،
الوجع ساكن جوايا، والكآبة خدتني في سكة مالهاش نور.
بس لسه فيّا نفس بيصرخلك…
“ارفَعني بحسب وعدك”!
مش مستني سند من بشر،
ولا منتظر كلمة من حد،
أنا جاي لكلامك اللي بيحيي العضم اليابس،
لوعدك اللي قال “لا أهملك ولا أتركك”،
لكلامك اللي عمره ما رجع فاضي، ولا خذل مشتاق.
ارفَعني يا رب… مش بس من التعب،
ارفعني من خوفي، من أفكاري، من قلقي، من وحدتي،
خلّي رجليّ تثبت تاني، وقلبي يفرح من جديد،
واكتبلي بداية يكون فيها وعدك هو البداية والنهاية.
(مزمور ١١٩: ٢٨)
“‏مُتعَبٌ وَكَئِيبٌ أنَا، فَارفَعْنِي بِحَسَبِ وَعدِكَ.”