ماهو برضه "اللي بيته من إزاز، مايحدفش الناس بالطوب"
بيقولوا إن كان في ملك قرر يبني لنفسه بيت من إزاز فوق تل عالي.
وقبل ما العمال يشتغلوا، قالهم: "كل ما تلاقوا طوب
أو حجارة، ارموها تحت التل."
وكان فيه قرية صغيرة تحت التل دا
، وأهلها ابتدوا يشتكوا من الطوب اللي بيقع عليهم
، بس ماحدش سمع، ولا حد حاول يساعد.
عدّت الأيام، واتبنَى البيت الكبير…
بيت من الإزاز، شكله كان فخم، وبيلمع من فوق كده🤩
لكن مع بداية موسم هجرة الطيور،
الطيور ابتدت تشيل الطوب من تحت التل لفوق
وهي طايرة، وكل شوية كانت طوبة تقع منهم…
وتكسر جزء من بيت الملك اللي فوق!
لحد ما البيت الازاز كله اتكسر..🏚
بس الرب يسوع قالها بشكل أعمق وأوضح:
«لاَ تَدِينُوا لِكَيْ لاَ تُدَانُوا،
لأَنَّكُمْ بِالدَّيْنُونَةِ الَّتِي بِهَا تَدِينُونَ تُدَانُونَ،
وَبِالْكَيْلِ الَّذِي بِهِ تَكِيلُونَ يُكَالُ لَكُمْ. " متى 7 : 1-2
يعني لو شايف إن ليك حق تِرمي كلمة، أو نظرة، أو حكم على حد…
فكّر نفسك إنك إنت كمان عندك حاجات مش كاملة.
ويمكن اللي بتقوله على غيرك، يرجعلك في يوم.
إحنا كلنا بني آدمين، وكل واحد فينا عنده كسره،
عنده حاجات مش باينة، محتاجة نشتغل عليها🤌
فبدل ما نرمي على بعض…
نمدّ إيدنا، نساعد بعض، نبني مع بعض🤝💜
تيتة_قالتلي