أنا مش بطلب الدنيا كلها…
ولا طالب كنوز ولا معجزات،
كل اللي محتاجه ببساطة: قلب يرتاح
ونَفَس يطلع من غير تنهيدة،
وسكون داخلي، يخليني أعيش من غير ما أتآكل من جواي.
نفسي في لحظة صمت..
بس تكون مليانة طمأنينة، مش خوف
نفسي في حضن مش شرط يكون ملموس
بس يطمنّي إن مافيش حاجة جاية هتكسرني
أنا مش طماع
أنا بس تعبت من الحروب اللي مش بانتصر فيها
من الحمل اللي شايله ومحدش حاسس بيه
من الصوت اللي جوايا، اللي مش بيسكت حتى وأنا نايم
سلام يا رب…
لو هتديهولي على هيئة شخص، أو صلاة، أو حتى دمعة تريحني
أنا مستعد أستقبل