[walaa farouk]

يا أبانا اللي في السما…
عارفين إنك سامع، حتى من غير ما نقول.
بس بنجيلك النهارده بكلمات بسيطة…
من قلب موجوع وتعبان:
إسند اللي واقع ومش قادر،
طبطب على اللي بينه وبين نفسه حكايات محدش يعرفها،
ريح قلب اللي مش لاقي أمان،
فرّح اللي نسى يعني إيه يضحك من قلبه،
اشفي كل وجع ساكن في الجسد أو في الروح،
جازي كل تعب اتعمل بمحبة،
وعوّض كل خيبة أمل، وكل دمعة نزلت في الخفاء.

إلهنا الحي، اللي ما بينساش ولا بيسيب…
خلّي حضورك هو الأمان،
وإيدك هي السند،
وقلبك هو العِوض.