[walaa farouk]

هي تبان انها بايظه بس هي في ايده هاترجع احسن من الاول
أنا واثق انك مش هاتسبني افسد
أنا واثق
لأَنَّكَ لَنْ تَتْرُكَ نَفْسِي فِي الْهَاوِيَةِ. لَنْ تَدَعَ تَقِيَّكَ يَرَى فَسَادًا.
" (مز 16: 10).
وانا التقوي عندي هي اني لسه بحبك وماليش غيرك
أعمالي غلط
طريقي غلط
أنا اللي يتقال عليا (قد انتن)
بس واثق جدا انك لسه شايف فيا حته حلوه
واثق انك لسه شايف فيا قلب نضيف
لا حابب الغلط ولا حابب يبقي بعيد عنك
مش مهم أنا وصلت نفسي لأيه ولا المهم اللي حواليا وصلوني لأيه
لكن المهم انا عارف اني مدام سلمتك كل زبالتي
عارف اني هاوصل معاك
أنا محدش هايعرف يشيل عني كله بيزود عليا
مش هاعاتب والوم غير نفسي
نفسي اللي كانت حلوه بس هاتبقي معاك احلي
ماتخليش عيني مكسوره قصاد اي حد
قصاد كل حد أنا سلمتله نفسي وروحي وجسدي ومالقتوش
خليني اسلملك كل حاجه وترفع راسي من جديد
ترفع راسي مش بس قصاد حد لكن ترفع راسي قصاد نفسي
أنا واثق في نظره عينك اللي بصتلي
انت عينك كلها حب عينك أجمل عين بصتلي
أنا واثق فيك
رجعني من تاني
عاوز أبقي أنا و انت لوحدنا لحد ما وصلك
كل العلامات بتقول هانت ووقتي قرب
بس مستني مني تغيير نهائي علشان كل حاجه تنتهي
نظره عينك قالت كل حاجه
ساعدني وانا معاك