••• معقولة؟
أيوه… كانت أوحش بكتير!
قبل الطوفان، الناس كانت بتعيش من غير ضمير،
الشر كان عادي،
العنف بقى طبيعي،
والخطية بقت موضة ماحدش بيكسف منها.
“ورأى الرب أن شر الإنسان قد كَثُرَ في الأرض” (تكوين 6:5)…
يعني الشر مش بس موجود، ده بقى غالب ومُتحكم!
فـ لما تيجي تبص على اللي حاصل النهاردة
وتقول “الدنيا باظت”،
افتكر إن ده مش أول مرة البشرية توصل للحافة…
لكن كل مرة كان فيه نوح…
وفيه فلك…
وفيه باب ربنا بيسيبُه مفتوح للرجوع.
الشر يمكن بيزيد،
بس صوت ربنا عمره ما بينخفض،
والرحمة لسه موجودة،
والفلك لسه مفتوح!