أحلامنا يا الله…
مش طموحات عادية ولا مجرد رغبات في القلب،
دي أمانة عندك…
زرعتها جوانا بإيدك،
وإنت الوحيد اللي تعرف توقيتها، وتفاصيلها،
وإزاي تتحقق بأحلى مما تخيلنا.
يا رب، إحنا ساعات بنضعف،
ونشك،
ونتعب من الانتظار…
بس لسه ماسكين فيك،
لأننا مصدقين إن الحلم اللي اتولد في حضرة الصلاة،
مش هيموت في الزحمة.
خلّي أحلامنا جواك محفوظة،
من التأخير،
ومن التشويه،
ومن اليأس اللي بيحاول يسرقها مننا.
إنت أمين…
وكل أمانة في إيدك راجعالنا بسلام وفرح ودهشة.
أحلامنا عندك… وده كفاية نرتاح.
❤️