– تعبت..
= من إيه؟
– من إني دايمًا اللي ببدأ..اللي بسأل..اللي بتابع..
= طيب وأنت ليه بتعمل كده؟
– علشان بحبهم بس مؤخرًا
بقيت أحس إني لو اختفيت محدش هيسأل..
🔸 المشكلة:
في علاقات كتير بتلاقي نفسك دايمًا في دور "المُبادر"..
كل مرة بتقول: "المرة الجاية هستنى هم اللي يبدأوا"..
بس بتكسر كلامك وتبدأ تاني تلف فى نفس الدايرة..
مش لأنك ضعيف لكن لأنك بتحب بصدق..
بس الحب من طرف واحد مش بطولة ده استنزاف..
❗ واللي أصعب من التعب؟
إنك تحس إن وجودك مش متلاحظ
..وإن اللي بتعمله بقى مفروغ منه ومش متقدر..
🔸 الحل؟
مش كل علاقة تستحق مجهودك..
راجع مين بيعاملك كأولوية
ومين بيشوفك مجرد "أنت موجود خلاص"..
حط حدودك مش كعقاب لكن كحماية لقلبك..
✅ مش معنى إنك بتحب إنك تلغي نفسك..
اعرف إمتى تقول: "أنا كمان محتاج اللي أنا بقدمه"..
واسمح لنفسك تنسحب لما تلاقي
إن العلاقة بقت تمشي على رجل واحدة..
العلاقات مش اختبار للصبر..
هي مساحة أمان مش ميدان حرب..