[walaa farouk]

ربنا يتحنن على التعبان اللي مش قادر يهرب من دوشته،
على اللي مش لاقي ركن هادي يلمّ فيه نفسه،
اللي بيته المفروض يكون حضن.. بس بقى عبء،
اللي بيتمنى يرتاح في أمان بيته، مش يهرب منه.
يارب، ادّي طمأنينة للمكان اللي المفروض يطمن،
ادّي سلام للقلب اللي بيصرخ في صمت،
ادّي حنية تحوّل البيوت القاسية،
لأماكن فيها نسمعك ونشوفك ونستريح.
الراحة مش سفر، ولا عزلة..
الراحة لما نحس إنك حوالينا وإحنا جوه البيت.
وإنك شايف، وسامع ، وبتغيّر.